SIR வாக்காளர்களின் சரிபார்ப்பு நடவடிக்கை அது! (special intensive revision) ஆனால், எதிர்க்கட்சிகள் பிஜேபியின் வாக்கு திருட்டு வேலை, என்று இந்த எஸ் .ஐ. ஆர் பற்றி மக்களை குழப்பி ஏமாற்றுகிறார்கள். எதிர்க்கட்சி அரசியல் கட்சியினர் தான், இப்படி சொல்கிறார்கள் என்றால், அவர்களுக்கு வேண்டிய ஊடகங்களும், சமூக வலைதளங்களிலும், இதைப் பற்றி வாய்க்கு வந்தபடி பேசிக் கொண்டுதான் இருக்கிறார்கள். உச்சநீதிமன்றத்தில் வழக்கு தொடர்ந்து பார்த்தார்கள். அதுவும் தோல்வி அடைந்து விட்டது. திமுகவின் தேர்தல் வெற்றி கள்ள ஓட்டா? அதில் தான் ஜெயிக்கிறதா? மக்களுக்கு இந்த சந்தேகம் வளர்த்துள்ளது. மேலும்,
நேற்று கூட எதிர்க்கட்சித் தலைவர் எடப்பாடி பழனிசாமி ஒரே வீட்டில் 375 வாக்குகள் இருப்பதாக தெரிவித்துள்ளார். அந்த இடம் சர்ச்சுக்கு சொந்தமானது. அங்கே 43 பேர் மட்டும் தான் தற்போது வசித்துக் கொண்டிருக்கிறார்கள் என்றார். இப்படி பல இடங்களில் ஊருக்கு போனவர்கள், ஊரை விட்டு வெளியேறியவர்கள், இறந்து போனவர்கள், இவர்கள் எல்லோரும் மீண்டும் வாக்காளர்களாக வாக்காளர் பட்டியலில் வருவது, எதிர்க்கட்சிகள் அதற்காக போராடுவது ஏன்? ஏனென்றால் , அவர்களை வைத்து கள்ள ஓட்டு போடவா? காரணம் இல்லாமல் எதற்காக இவ்வளவு போராட்டம்? இவர்களுடைய போராட்டத்தின் எதிர்வினை மக்களுக்கு சந்தேகத்தை ஏற்படுத்தி இருக்கிறது.
ஏன் இவர்கள் இதை வெறுக்கிறார்கள்? இது நல்ல விஷயம்தானே, இதனால், இவர்களுக்கு என்ன பாதிப்பு ?இதுதான் மக்களின் கேள்வி? மேலும், பிஜேபியின் வெற்றி பீகாரில் தேர்தல் ஆணையம் செய்த தில்லுமுல்லு, திருட்டுத்தனத்தால் தான் வெற்றி பெற்றது. இது ஒரு பொய் பிரச்சாரம். சரி நீங்கள் இதே தேர்தல் ஆணையம் நடத்துகின்ற தேர்தலில் வெற்றி பெறும்போது, அப்போது அந்த வாக்கு எண்ணிக்கை, EVM மிஷின் அதையெல்லாம் சரியாக இருக்கிறதா? நீங்கள் வெற்றி பெறும்போது சரியாக இருக்கிறது. தோல்வி அடைந்தால் அவையெல்லாம் சரி இல்லை.
அடுத்தது வெளிநாட்டிலிருந்து வந்தவர்கள், இங்கே தங்கி பல ஆண்டுகளாக அவர்களும் வாக்காளர்களாக இருக்கிறார்கள். இது தேசத்திற்கு ஆபத்தானது. எதிரானது. இவர்களையும் எதிர்க்கட்சிகள் வாக்காளர்களாக இருக்க வேண்டும், அவர்களை வைத்து தேர்தலில் வெற்றி பெறுவோம் என்றால், இந்தியாவில் உள்ள எந்த குடிமகனும் ஏற்றுக் கொள்ள மாட்டான். ஆனால், எதிர்க்கட்சிகள் பதவி வெறியுடன் அதையும் ஏற்றுக்கொள்கிறார்கள். மேலும்,
அந்த எஸ் ஐ ஆர் படிவம் அதை நிரப்புவது கடினமான வேலை என்று, அதிலும் குழப்பத்தை ஏற்படுத்தினார்கள். அப்போதும், மக்கள் அதிகாரத்தில் செய்திகளை வெளியிட்டு, மக்களுக்கு தேர்தல் ஆணைய ஏஜெண்டுகள் மூலம் சரியான வழிகாட்டுதல்கள் செய்து, அந்த விண்ணப்பங்களை பூர்த்தி செய்ய வேண்டும் என்று மக்கள் அதிகாரம் செய்தியை வெளியிட்டு இருந்தது .
அதேபோல், ஒரு சில நாட்களில் தேர்தல் ஆணையம் அதை சரி செய்து விட்டது. இப்போது அந்தந்த கிராமங்களில் எஸ். ஐ. ஆர் படிவங்கள் கொடுக்கப்பட்டு, அவை எந்த ஒரு பிரச்சனையும் இல்லாமல், பூர்த்தி செய்து வேலைகள் நடைபெற்று வருகிறது. இப்படி எஸ். ஐ. ஆர் ஐ வைத்து திமுக இந்த அளவுக்கு போராட வேண்டிய அவசியம் ஏன்? அது மட்டுமல்ல, ஒரு சில நிர்வாகிகள் பி .எல். ஓவாக பணியாற்ற வந்த ஆசிரியர்களை தரகுறைவாக பேசியது, சமூக வலைதளத்திலும், மக்கள் பார்வைக்கு சென்றது.
இதிலிருந்து என்ன தெரிகிறது? என்றால், வாக்காளர்களை அவர்கள் குழப்புகிறார்கள். இன்னொரு பக்கம், இந்த பி எல் ஓ களை சரியான முறையில் வேலை செய்ய விடாமல், பழைய வாக்காளர்கள் இருந்தால், இறந்து போனவர்களை வைத்து இவர்கள் ஓட்டு போடலாம் என்று நினைக்கிறார்களா? அது இனிமேல் நடக்காது. தேர்தல் ஆணையம் அந்த படிவத்தில் சரியான தரவுகளை கேட்டுள்ளது. இதற்கு முன்னர் எந்த தொகுதியில் நீங்கள் வாக்களித்தீர்கள்? அதை நிரப்ப வேண்டும் .
அப்போது நீங்கள் வாக்களித்த தொகுதி வேறவாக கூட இருக்கலாம். அதனுடைய வாக்காளர் எண் அந்தப் படிவத்தில் பூர்த்தி செய்ய வேண்டும். இப்படிப் பல கிடுக்கி பிடி கேள்விகள் உள்ளே இருப்பதால், அவ்வளவு எளிதில் அந்த விண்ணப்பத்தை பூர்த்தி செய்து, இவர்களால் கொடுக்க முடியாது.
அதனால் பி எல் ஓ க்கள் முறையாக பயிற்சி பெற்று, அந்த வேலையை செய்தால் தான், அதை சிறப்பாக செய்ய முடியும். கட்சிக்காரர்களால், தவறான தரவுகள் கொடுத்து பூர்த்தி செய்தாலும், மறுபடியும் இணையதளத்தில் அதை வரைமுறை படுத்தும் போது,தரவுகள் சரியில்லை என்றால், அதில் ஏற்ற மாட்டார்கள். எனவே, எதிர்க்கட்சிகளின் கள்ள ஓட்டுக்கு எஸ். ஐ. ஆர் ஒரு முற்றுப்புள்ளி .
