மக்களுக்காக ,எந்த அரசியல் கட்சியும் ,கூட்டணி வைப்பதில்லை. கொள்கைக்காக, யாரும் கூட்டணி வைப்பதில்லை. கொள்கையும், கூட்டணியும் ,அரசியல் கட்சிகளின் சுய லாபத்திற்காக கூட்டணி ஆகி விட்டது.மேலும், தற்போது
அதிமுகவிலிருந்து செங்கோட்டையன் தமிழக வெற்றிக் கழகத்திற்கு மாறி உள்ளார். அது அதிமுகவிற்கு பலவீனம் என்றாலும்,அவர் இன்னும் ,சில மந்திரிகளை அதிமுகவிலிருந்து கொண்டு வருவேன் என்று தெரிவிக்கிறார். அப்படி என்றால் !
இவர்களின் அரசியல் என்பதுபொது நல நோக்கத்தை காட்டிலும் ,இவர்களுடைய சொந்த சுயநல நோக்கத்தை தான் அரசியல் கட்சிகளில் மாறி, மாறி சேர்ந்து கொள்வது மக்களிடம் பேசுபொருளாகியுள்ளது. காரணம் எந்த கட்சியில் பதவி தருவார்கள்? எந்த கட்சியில் பணம் தருவார்கள்? இதை நோக்கி இவர்களின் அரசியல் மாறி உளளது . அதனால்,
இவர்கள் இப்படி கட்சி மாறி ,மாறி எம்எல்ஏக்களும், மந்திரிகளும் நிர்வாகிகளும் ,சேர்ந்து கொண்டால், மக்கள் இவர்களைப் பார்த்து வாக்களித்து விடுவார்களா?
நேற்று வேலூரில் இருந்து காட் பாடிக்கு, ஆட்டோவில் வரும்போது, ஒரு ஆட்டோக்காரர் என்னிடம் பேசிக் கொண்டு வருகிறார். திமுக ஆட்சிக்கு ஒரு உதாரணம் சொன்னார் . அதாவது,திருடனிடம் சாவியை கொடுத்து விட்டால், திருடனுக்கு தேள் கொட்டியது மாதிரி மக்கள் முழித்துக் கொண்டிருக்கிறார்கள். மேலும்,
திருடன் என்று நன்றாக தெரிந்தே கொண்டு போய் தான் ,பதவியில் உட்கார வைத்து விட்டு. இப்போது ,எதுவும் பேச முடியாமல் திருடனுக்கு தேள் கொட்டினால் ,எப்படி ஒருவனுடைய நிலைமை இருக்குமோ, அந்த நிலைமையில் தான், மக்கள் தவித்துக் கொண்டிருக்கிறார்கள்.
.மேலும்,ஒரு ஆட்டோக்காரன் !ஆட்டோ ஓட்டுபவர்களே இவ்வளவு தெளிவாக இருக்கிறார்களா? என்று நானே ஆச்சரியப்பட்டேன். இவர்களே திமுக ஆட்சியை விமர்சிக்கிற அளவுக்கு தெளிவாக இருக்கிறார்கள்.
மேலும், தமிழக வெற்றி கழகத்தின் விஜய் முதலமைச்சராக அவர்களுடைய ரசிகர்களும், கிறிஸ்தவ பாதிரியார்களும் ஆக்கிவிட முடியாது . அதேபோல் , இன்றைய யூடிபர்களும், ஒருவரை உயர்த்திக் கொண்டு, மற்றொருவரை தாழ்த்திக் கொண்டு, விமர்சித்துக் கொண்டு, இவர்கள் செய்யும் அரசியல் அது என்ன அரசியல்? அது சுயநலமா ?அல்லது பொது நலமா? அல்லது இது youtube வியாபாரமா? மேலும்,
இப்படிப்பட்ட அரசியலை மக்களுக்கு புரிய வைப்பது சமூக நலன் பத்திரிகைகள் என்பதை மக்கள் புரிந்து கொள்ள வேண்டும். அதுமட்டுமல்ல, இன்றைய அரசியல் கட்சிகள் தலைவரும் ,கட்சியினரும், கையிலே மைக்கை பிடித்துக் கொண்டு ,பேசி விட்டு போகக்கூடிய சினிமா அரசியல் போல் தான் இருக்கிறார்கள்.
அதனால்தான் ,அரசியல் என்பது தமிழ்நாட்டு மக்களுக்கு இன்று வரை ஏமாற்றமாக உள்ளது. அது ஏன்? அரசியலில் பொதுநலமில்லாமல் சுயநலமாக அதாவது, தங்கள் கட்சியினருக்கும் , தங்களுக்கும் மட்டுமே மக்கள் அளித்த அதிகாரத்தை பயன்படுத்திக் கொண்டிருந்தால், மக்களுக்காக செய்ய வேண்டிய கடமைகள் ?அவர்களுடைய தேவைகள் ? அவர்களுடைய எதிர்பார்ப்புகள்?எதுவும் செய்ய முடியாது .இவர்கள் தேவையை தான் செய்து கொண்டிருப்பார்கள். இதுதான் இன்றைய அரசியல் கட்சிகளின் நிலைமை.
மேலும்,களத்தில் நின்று மக்களுக்காக ,மக்களின் பிரச்சினைகளுக்காக போராடக் கூடியவர்கள் எத்தனை பேர் ?என்று தேட வேண்டி இருக்கிறது என்கிறார்கள். மக்களின் பிரச்சினைகளை பேசிவிட்டு, ஆளும் கட்சியிடம் காசு வாங்கிக்கொண்டு போகின்ற அரசியல் கட்சிகள் தான் இருக்கிறார்கள். அதனால், தமிழ்நாட்டில் உள்ள அரசியல் கட்சிகளால், மக்களுக்கு லாபம் இல்லை. இவர்கள் லாபத்திற்காக அரசியல் கட்சிகளின் நடத்திக் கொண்டிருக்கிறார்கள்.
இதைப் பற்றி பேசத் தகுதி இல்லாத கார்ப்பரேட் பத்திரிக்கை, தொலைக்காட்சிகள், அவர்களுடன் சேர்ந்து பத்திரிக்கை வியாபாரத்தை நடத்துகிறார்கள். திமுக அரசு யாருக்கு முக்கியத்துவம் கொடுப்பார்கள்? மேலும்,
உண்மையை மக்களிடம் சொல்லுகின்ற பத்திரிகைகளுக்கா ?அல்லது உண்மையை மறைத்து இவர்களை நல்லாட்சியாளர்கள் என்று பாராட்டுகின்ற பத்திரிகைகளுக்கா? யாருக்கு கொடுப்பார்கள்.....? அதனால் தான்! மக்களிடம் ஒரு சில பத்திரிகைகள் அதாவது,நடுத்தர வர்க்கத்தினர் மக்களிடம் உண்மையை எடுத்துச் சொல்கிறார்கள். அது அவர்களுக்கு பிடிக்காது. அதனால்,
சாமானியர்கள் நடத்தக்கூடிய பத்திரிகை பிரச்சனையை கூட திமுகவால் தீர்க்க முடியவில்லை என்றால், மக்களின் பிரச்சனையை எப்படி தீர்க்கப் போகிறது? இது தவிர, மக்களின் எதிர்பார்ப்புகளை விட ,அரசியல் கட்சியினரின் எதிர்பார்ப்புகள் அதிகமாக ஆகிவிட்டது.மேலும், இப்படிப்பட்ட அரசியல் கட்சியினரின் பேச்சுக்களை மக்கள் நம்பத் தயாராக இல்லை.
மேலும், திமுகவின் அரசியல் தற்போது பணத்தை மட்டுமே நம்பியுள்ளது. பணம் கொடுக்கவில்லை என்றால் கட்சிக்காரன் கூட ஓட்டு போட மாட்டான். அந்த நிலைமைக்கு திமுகவின் ஆட்சி . மக்களை பணத்தை கொடுத்து ஏமாற்றி விடலாம் என்று கனவு பலிக்குமா? நகர மக்கள் தெளிவாக இருக்கிறார்கள்.
கிராமத்தில் தான் எவன் வந்தால் என்ன? எவன் போனால் என்ன? என்று சுயநலமாக வாழ்ந்து கொண்டிருக்கிறார்கள். இதில், ஓட்டுக்கு எத்தனை ஆயிரம் என்று விலை பேசி விர்ப்பவர்கள்? வறுமைக் கோட்டுக்குள் வாழ்பவர்கள். இந்த அரசியல் தெரியாமல் இளைய தலைமுறைகள் இவர்களிடம் ஏமாந்து கொண்டிருக்கிறார்கள்.
அரசியல் தெரிந்தவர்கள் இந்தஅரசியல் கட்சியினரின் பேச்சுக்களை , பொதுமக்கள் நம்பத் தயாராக இல்லை.மேலும்,
திமுகவின் ஆட்சி! அவர்களுடைய அரசியல் கட்சியினருக்கும், குடும்பத்தினருக்கும் மட்டுமே என்று தான் திமுகவின் கொள்கை அரசியல்!
எனவே ,இப்போதெல்லாம் வாயிலே வடை சுட்டு, மக்களுக்கு இதோ சாப்பாடு இன்று கொடுத்தால், அதை நம்ப தயாராக இல்லை. அப்படித்தான் இன்று தமிழகத்தின் அரசியல் கட்சித் தலைவர்கள் ஆன சீமான், திருமாவளவன் ,ராமதாஸ், வைகோ, மற்றும் பலர் அந்த வரிசையில் போய்க் கொண்டிருக்கிறார்கள்.
இப்படிப்பட்ட அரசியல் கட்சிகள்! சினிமாவில், கவுண்டமணி ,செந்தில் காமெடி சீன்களில் வரும் நிலைமைக்கு மக்கள் பார்த்து ரசிக்க வேண்டிய உண்மை நிலையாக இந்த, அரசியல் கட்சிகளின் நிலைமை இருந்து கொண்டிருக்கிறது.
இவர்கள்தான் ஓட்டு வாங்கி கொடுக்கின்ற புரோக்கர்களாக தேர்தல் வேலை செய்து கொண்டிருப்பவர்கள். இவர்களைத் தொண்டன் என்று கார்ப்பரேட் பத்திரிக்கை, தொலைக்காட்சிகள் எழுதிக் கொண்டிருக்கிறார்கள்.மேலும், பணம் கொடுத்தால் தொண்டன் என்ன? தியாகி என்று கூட எழுதிக் கொண்டிருப்பார்கள்.
அதனால், மக்கள் தொடர்ந்து இந்த அரசியல் கட்சிகளிடம் ஏமாறுவார்கள் என்று அரசியல் கட்சியினரும், அரசியல் கட்சி தலைவர்களும் நினைத்து கொண்டு இருந்தால்! அப்படிப்பட்ட அரசியல் கட்சிகளுக்கு இனி மக்கள் விழித்தெழுந்து அவர்களுக்கு ஏமாற்றத்தை தருவார்கள். அது அப்போது அரசியல் என்பது இப்படிப்பட்ட அரசியல் கட்சிகளுக்கு மக்கள் ஏமாற்றத்தை கொடுக்கப் போகிறார்களா?......!
